गझल

जुळवूनी अक्षरांना - लिहावी  म्हणले गझल|

हिशोब मात्रांचा चुकला - रचता रचता गझल||

लघु-गुरु, अंत्य यमकांना - बसविले मी क्रमात |

अक्षरांच्या ओळी झाल्या - पण हरविली ती गझल ||

उनाड कल्पनांना - काबूत आणताना |

हरले , दमले मी अन् फसली ती गझल ||

रद्दीफ कोणता घेउ ? अर्थ साधणारा ...|

ठरविता न आले .. म्हणून - लिहिलीच नाही गझल ||

बाराखडी गझलेची - वाचता पुन्हा पुन्हा |

समजले असे की मजला .. जमणार नाही गझल ||

काव्य हे असले - उच्च खानदानी |

लिहिणे नकोच आता .. नुसतीच ऐकू गझल ||