🌱 मोगरा फुलला: जानेवारी 2014

५ जाने, २०१४

मी आणि तू (४)

सत्याची कासंडी - भरून ठेविली

आणिक झाकीली - माझ्या घरी ||

जे आहे उत्तम - ते सर्वं माझे

तुझे मात्रं जीणे - व्यर्थ आहे ||

ठरविले मी जे - आहेत दुर्जन

तयांना शासन - करीन मी ||

वर्तावे तु कैसे - सकल जनांत

सांगतो मी तुज - ऐक जरा ||

सांगणे हे माझे - ऐकवेना तुला

अपराध मोठा - तुझा असे ||

तुझ्या वर्तनाची - करीन कागाळी

जाई घरोघरी - त्याच साठी ||

माझी तत्व निष्ठा - दुराग्रह तुझा

सुधार तु जरा - आता तरी ||

🍂🍂💐🍃🍃

मराठी साहित्याने मला खूप काही दिले. पुस्तके ही माझ्यासाठी नुसते मनोरंजन किंवा ज्ञानार्जनाची साधने नाहीत. ती माझ्या सुखात, दुःखात सहभागी झाली.  माझ्या कठीण काळात त्यांचीच साथ मला लाभली .  एक वाचक या नात्याने मी मराठी साहित्यातील लेखक/लेखिका,  कवी/ कवयित्रींची ऋणी आहे. .... आणि हे असे ऋण आहे जे कधी फिटू नये ... तर अजून वाढतच जावे हीच इच्छा आहे.