माळरानी ...

उजाड माळरानी ।

सळसळते आज काही ।

वाऱ्याची गाज ऐकती । 

शुष्क पर्णराशी ॥

उसळे धूळ कोरडी ।

कोंदल्या दिशाही दाही ।

उष्णं तप्तं  वैशाखी ।

माध्यान्ह साचून राही ॥

झुकते  निष्पर्ण फांदी ।

न दिसे छाया कणही ।

शीतल चंचल झुळुकही ।

थांबलेली दूर रानी ॥ 

तीक्ष्ण विखारी किरणे ।

पसरलेली आसमंती । 

उग्र प्रकाशी येथे ।

दृष्टी अंधारलेली ॥ 

तृषित विदीर्ण धरणी ।

उसासे हळू जराशी ।

जळभरले कृष्णमेघही । 

मग दूरदूर जाती ॥