बकुळ फुला रे ....

बकुळ फुला रे बकुळ फुला

गंध तुझा दे गंध मला 

मधुगंध तो लेउनी 

धुंद होऊ दे धुंद मला ।

न दिसे मज वाट

चहूकडे अंधः कार

साथ तुझी सदा 

लाभू दे मला ।

कळले नाही कधी

सरले सुख कसे

तुज सवे दुः ख माझे

विसरू दे मला ।

खिन्न उदासी मनी

एकाकी दिनराती

 कोमल तव स्पर्शाने

हर्ष लाभू दे मला ।

न उरले जे या

जीवनी मजपाशी

तुजसवे ते सारे

घेऊ देत  मला ।

न सोबती मज कोणी

न साद कोणी देई

जीवनाचे गीत  गाउ दे

 तुझ्यासवे मला ।

शुष्क या जगती

जरी निष्पर्ण जीवनवेल

तुजपरी वाळल्यावरी

गंधीत होऊ दे मला ।

बकुळ फुला रे बकुळ फुला

गंध तुझा दे गंध मला ।