🌱 मोगरा फुलला: मी आणि तू (2)

२० ऑक्टो, २०१३

मी आणि तू (2)

कर्तव्यं जे तुझे

(ते ) माझे उपकार

आभारा नकार

व्यर्थ देसीं ।।

माझीया कामाचा

किती हा पसारा

तू एक रिकामा

व्यर्थ भार ।।

तत्पर मी सदा

ज्ञान संपादना

तुलाच चौकश्या

व्यर्थ फार ।।

माहिती साठी मी

जातो दारोदारी

पोटशूळ तुला

व्यर्थ का? का? ॥

ऐक माझे जरा

सल्ला माझा खरा

कल्याणास बरा

व्यर्थ नसे ॥

(क्रमशः)

🍂🍂💐🍃🍃

मराठी साहित्याने मला खूप काही दिले. पुस्तके ही माझ्यासाठी नुसते मनोरंजन किंवा ज्ञानार्जनाची साधने नाहीत. ती माझ्या सुखात, दुःखात सहभागी झाली.  माझ्या कठीण काळात त्यांचीच साथ मला लाभली .  एक वाचक या नात्याने मी मराठी साहित्यातील लेखक/लेखिका,  कवी/ कवयित्रींची ऋणी आहे. .... आणि हे असे ऋण आहे जे कधी फिटू नये ... तर अजून वाढतच जावे हीच इच्छा आहे.