🌱 मोगरा फुलला: बाप्पा !

१० सप्टें, २०११

बाप्पा !

थोर थोर मोठ्ठी लोकं

सांगून गेलीत बर्का

विश्वास ठेवा घेऊ नका

भलती सलती शंका |

जपून ठेवा मनात

एक छोटासा कप्पा

चावी त्याची तुम्ही

मनोभावे जपा

करताना कानगोष्टी

अन् मारताना थापा

संगतीचे भान राहो

करताना गप्पा |

वायफळाचा मळा

फुलविताना फुका

लक्षात ठेवा शहाणे

सांगत नाहीत उगा |

सोनार , शिंपी आणि

कुलकर्णी , अप्पा

यांची संगत ...

कधीच नको बाप्पा |

🍂🍂💐🍃🍃

मराठी साहित्याने मला खूप काही दिले. पुस्तके ही माझ्यासाठी नुसते मनोरंजन किंवा ज्ञानार्जनाची साधने नाहीत. ती माझ्या सुखात, दुःखात सहभागी झाली.  माझ्या कठीण काळात त्यांचीच साथ मला लाभली .  एक वाचक या नात्याने मी मराठी साहित्यातील लेखक/लेखिका,  कवी/ कवयित्रींची ऋणी आहे. .... आणि हे असे ऋण आहे जे कधी फिटू नये ... तर अजून वाढतच जावे हीच इच्छा आहे.