🌱 मोगरा फुलला: कळेना काही ...

१० सप्टें, २०११

कळेना काही ...

अशी पौर्णिमेची रातं
चांदणे मखमली दाटं |
वाहतो मंदसा वारा
उधळी गंध -- अत्तराचा फाया |
येतसे क्षण तो आज जवळी जसा
हुरहुरे जीव -- होउनी वेडापिसा |
रूप निरखते ऐन्यात, मोकळा केशसंभार
कळेना काही -- कोणता करू श्रुंगार ? |

किती किती रात्री सरल्या
चांदण्या नभी लखलखल्या |
पुनः पुन्हा अंगणातल्या
जाई - जुई बहरल्या |
घमघमतो मोहर आज आमराईत
कोकीळेची गुंजते गोड सुरीली तान |
कळे त्यास मैफिल आज रंगणार
मज कळेना काही , कोणता करू श्रुंगार ? |

ऊजळले दीप भवनात
अन् सजल्या तोरण माळा |
चंद्रकोर देखणी भाळी
रेखिले काजळ डोळा |
जरतारी शालुचा पदर
खुलवितो रंग गोरा |
परी व्दीधा मन होई , लेऊ कसे अलंकार
कळेना काही , कोणता करू श्रुंगार ? |

🍂🍂💐🍃🍃

मराठी साहित्याने मला खूप काही दिले. पुस्तके ही माझ्यासाठी नुसते मनोरंजन किंवा ज्ञानार्जनाची साधने नाहीत. ती माझ्या सुखात, दुःखात सहभागी झाली.  माझ्या कठीण काळात त्यांचीच साथ मला लाभली .  एक वाचक या नात्याने मी मराठी साहित्यातील लेखक/लेखिका,  कवी/ कवयित्रींची ऋणी आहे. .... आणि हे असे ऋण आहे जे कधी फिटू नये ... तर अजून वाढतच जावे हीच इच्छा आहे.