ऋतुरंग

रानात पसरे गंध
मातीचा ओला धुंद
उमलती कळ्या कळ्या
भ्रमर होई बेधुंद

पानोपानी थेंब टपोरे
चमकती रेशमी किरणे
फांदीवरी हलके हलके
विसावलेले पंख

तृणांकुरी नाजूक हिरव्या
पसरती रंग पिसारे
मनास मोही गेंद फुलांचे
विखूरती मधुगंध

मयुराची साद येई
अंग - रंग उमलूनी
सुरेल गाती पक्षी
नदीतील उसळे पाणी

गगनी इंद्रधनूच्या
सप्तरंगांच्या कमानी
रंगीत गंधीत धरणी
अभाळी उमटे लाली