काहीच्या काही ...

आभास कविता - कि र्‍हास कविता
व्यत्यास कविता - वाचलेली ||


हे कडकडीत - ना फडफडीत
ना जळजळीत- काव्य कसे ? ||

अर्थ गर्भ ओळी -मती कशी जाळी
गूढ कधी काळी - घे जाणोनी ||

शब्दांचा कंटाळा - अर्थांचा घोटाळा
काव्याचा पाचोळा - फार झाला ||

तो श्वास, नि: श्वास - फुलपंखी रास
सार बाजू त्यांस - आज तूही ||

मागणी प्रमाणे - काव्य प्रसवावे
मूढ कवीस रे - कोणी सांगा ||

चलनात नाणे - मद्य आणि खाणे
'बार' ' बार' गाणे - एक सत्य ||

पाहिजेत शब्द - जे वाचता स्तब्ध
करी नाद लुब्ध - वाचकास ||

आम्हा व्यथा फार - नको पुन्हा भार
हसू क्षण चार - सारे जण ||

जो घेई अर्जंटं - काव्याचे पेटंटं
तो इंटेलिजंटं - होई पोएटं ||

मग की बोर्डाचा - उपयोग साचा
हा प्रतिसादांचा - दावी मार्गं ||