🌱 मोगरा फुलला

८ ऑक्टो, २००९

वारा

भंगलेल्या स्वप्नांचे चहूकडे रंग उधळी वारा
स्मरणांच्या चाहूलीने बेभान हा वारा ।

रेतीच्या कणांमध्ये सामावे जन्म सारा
कणकण जोडते मी, विखरून जाई वारा ।

तेजाळतो नभांगणी, शुभ्रप्रकाशी तारा
अंधः कार वेढून घेई, शांतवी दीप तो वारा ।

पखरा रे ऐक हाक ही देई आसमंत सारा
मोडेल मायेचे घरटे, अनावर हा वारा ।

ओढ लावीते जीवन येता सामोरा किनारा
तांडव करितो मृत्युसंगे पिसाटलेला वारा ।

🍂🍂💐🍃🍃

मराठी साहित्याने मला खूप काही दिले. पुस्तके ही माझ्यासाठी नुसते मनोरंजन किंवा ज्ञानार्जनाची साधने नाहीत. ती माझ्या सुखात, दुःखात सहभागी झाली.  माझ्या कठीण काळात त्यांचीच साथ मला लाभली .  एक वाचक या नात्याने मी मराठी साहित्यातील लेखक/लेखिका,  कवी/ कवयित्रींची ऋणी आहे. .... आणि हे असे ऋण आहे जे कधी फिटू नये ... तर अजून वाढतच जावे हीच इच्छा आहे.