जाग

उसळती काळोखाच्या – बहु लाटा अंबरात

किनार शुभ्र रुपेरी – खुलते कृष्णमेघात ॥

   तम गर्द दाटलेले – काजळी दशदिशात   

 शुक्र चांदणी एकली – लखलखे निमिषात ॥

रजनी विसावलेली – धरेवरी शांत शांत

चाहूल नसे तिज – हलके येई प्रभात ॥

मधुगंधी गार वारा – शीळ घाली सुस्वर 

डोलती वृक्षवेली - झळकती दवाचे थेंब  ।।  

गवताच्या सान पाती – लवलवती तालात

फुले फुले उमलूनी – बहरलेला  आसमंत ॥

उडती गाती पक्षी – सोनकेशरी अंबरात 

हर्ष माईना येथे  धरतीच्या अंतरात ।।