🌱 मोगरा फुलला: एप्रिल 2010

२६ एप्रि, २०१०

पाउस असा ...

पाउस असा रिमझिम

झाडांची ओली पाने

प्राणांच्या ओंजळीत

बरसती थेंब आठवांचे |

पाउस असा रिमझिम

आसमंत भारलेला

र्‍हुदयी लखलख झुंबर

अन् प्रकाश साचलेला |

पाउस असा रिमझिम

दाटलेले मेघ काळे

मन्मनी जपल्या कुपीत

दरवळती गंध आगळे |

पाउस असा रिमझिम

हळूवार तो वारा

गात्री खोल भिनलेला

बासरीचा सूर दिवाणा |

पाउस असा रिमझिम

रंगलेली ओली धरती

वेदनेच्या अथांग नेत्री

येती सरीवर सरी |

पाउस असा रिमझिम

धूसर धूसर दिशा

बरसत्या जलधारेत

मिसळतो थेंब अश्रुचा |

🍂🍂💐🍃🍃

मराठी साहित्याने मला खूप काही दिले. पुस्तके ही माझ्यासाठी नुसते मनोरंजन किंवा ज्ञानार्जनाची साधने नाहीत. ती माझ्या सुखात, दुःखात सहभागी झाली.  माझ्या कठीण काळात त्यांचीच साथ मला लाभली .  एक वाचक या नात्याने मी मराठी साहित्यातील लेखक/लेखिका,  कवी/ कवयित्रींची ऋणी आहे. .... आणि हे असे ऋण आहे जे कधी फिटू नये ... तर अजून वाढतच जावे हीच इच्छा आहे.